22. Ёқути лаби ту қутти ҷон аст
Ёқути лаби ту қутти ҷон аст,Васли ту ҳаёти ҷовидон аст.
Зулфи ту бар офтоби тобон
Аз шаъри сиёҳ, соябон аст.
Бастӣ ба либоси каҷкулоҳон
Бар мӯйи камар, ки ин миён аст.
Рондӣ ба лаби шакардаҳонон
Дар ҳеч сухан, ки ин даҳон аст.
Дар ҳар оне тӯйиву шаъне,
Мо аъзаму шонак, ин чӣ шон аст?
Ҳарчанд ба ҳар забон зи ишқат
Ҳар лаҳза ҳазор достон аст.
З-он дам, ки туро шинохт Ҷомӣ,
Муҳри хамушиш бар забон аст.
