WAPTJ.RU
Адабиёт
Адабиёт
20. Рӯза як сӯ шуду ид омаду дилҳо бархост Рӯза як сӯ шуду ид омаду дилҳо бархост,
Май зи майхона ба ҷӯш омаду мебояд хост.

Тавбаи зӯҳдфурӯшони гаронҷон бигузашт,
Вақти шодиву тараб кардани риндон пайдост,

Чӣ маломат бувад онро, ки чунин бода хӯрад,
Ин чӣ айб аст бад-ин бехирадӣ в-ин чӣ хатост.

Боданӯшӣ, ки дар ӯ ҳеҷ риёе набувад,
Беҳтар аз зӯҳдфурӯшӣ, ки дар ӯ рӯву риёст.

Мо на мардони риёему ҳарифони нифоқ,
Он, ки ӯ олими сирр аст, бад-ин ҳол гувост.

Фарзи Эзид бигузорему ба кас бад накунем,
В-он чӣ гӯянд раво нест, нагӯем равост.

Чӣ шавад, гар ману ту чанд қадаҳ бода хӯрем,
Бода аз хуни разон аст, на аз хуни шумост.

Ин чӣ айб аст к-аз он айб халал хоҳад буд,
В-ар бувад, низ чӣ шуд, мардуми беайб куҷост?


روزه یک سو شد و عید آمد و دل‌ها برخاست
می ز خمخانه به جوش آمد و می باید خواست

نوبه زهدفروشان گران جان بگذشت
وقت رندی و طرب کردن رندان پیداست

چه ملامت بود آن را که چنین باده خورد
این چه عیب است بدین بی‌خردی وین چه خطاست

باده نوشی که در او روی و ریایی نبود
بهتر از زهدفروشی که در او روی و ریاست

ما نه رندان ریاییم و حریفان نفاق
آن که او عالم سر است بدین حال گواست

فرض ایزد بگزاریم و به کس بد نکنیم
وان چه گویند روا نیست نگوییم رواست

چه شود گر من و تو چند قدح باده خوریم
باده از خون رزان است نه از خون شماست

این چه عیب است کز آن عیب خلل خواهد بود
ور بود نیز چه شد مردم بی‌عیب کجاست
21. Дилу динам шуду дилбар ба маломат бархост
22. Чу бишнавӣ сухани аҳли дил, магӯ, ки хатост
23. Хаёли рӯйи ту дар ҳар тариқ ҳамраҳи мост
24. Маталаб тоату паймону салоҳ аз мани маст
25. Шукуфта шуд гули ҳамрову гашт булбул маст
26. Зулф ошуфтаву хай кардаву хандонлабу маст
27. Дар дайри муғон омад ёрам қадаҳе дар даст
28. Ба ҷони хоҷаву ҳаққи қадиму аҳди дуруст
29. Моро зи хаёли ту чӣ парвои шароб аст?
30. Зулфат ҳазор дил ба яке тори мӯ бибаст
Саъдии Шерозӣ. Ғазалиёт (637)
Саъдии Шерозӣ. Аз Гулистон (232)
Ҳофизи Шерозӣ. Ғазалиёт (495)
Абдураҳмони Ҷомӣ. Саду як ғазал (101)
Ҳофизи Шерозӣ. Шарҳи бист ғазал (20)
Абӯабдуллоҳи Рӯдакӣ. Шарҳи мунтахаби ашъор (28)
Абдураҳмони Ҷомӣ. Шарҳи мунтахаби «Баҳористон» (1)
© СОМОНАИ WAPTJ.RU 2018 – 2019